Thursday, February 03, 2005
發達容易, 搵食艱難?
好多人話, 97 之前香港地遍地黄金, 你肯要就得啦. 97 之後好似成個世界變左, 打工既隨時接大信封, 做生意既要同一千幾百個同行爭半日之長短, 實行你 sale 我又 sale, 唔好彩既樓市高峰期買落層以為係自己既安樂窩, 點知供左七年 (如果仲未被人炒魷) 先至叫做有 d 曙光變番正資產. 其實人一生做咁鬼多個決定, 裏面只要做o岩幾個重要決定就可以改寫一生. 諗下啦, 83年後開始供樓買樓, 期間乜都唔做, 一直到97年回歸前放哂 d 單位, 咁就一鋪攪掂. 相反, 諗住踏踏實實搵兩餐日日朝七晚十一 (好似老董依家咁) 做到死咁滯, 今日已是 555 人士 (50幾歲, 5萬幾人工, 方5學歷), 但一覺醒來發現自己個位比收萬二蚊人工果個大學畢業生搶走左, 你話幾悲? 方向幾時都重要過力水, 入錯線既, 比架 Porsche 你踩盡油都無用, 一樣去唔到目的地. 發達容易定搵食艱難呢?
Subscribe to:
Post Comments (Atom)
1 comment:
哈哈哈此言甚是，阿AMNTD兄套言論都幾盞鬼。我都同意阿A兄閣下ｏ既見解，有時覺得做呢份牛工都真係覺得前途黯淡，咁dump我ｏ既人生同埋時間唔得架喎，不過，可以點啫。你話“人一生做咁鬼多個決定，裏面只要做o岩幾個重要決定就可以改寫一生。”此一道理真係知易行難，做到ｏ既話我都唔駛坐響度出賣光陰矣。
Post a Comment