財經演員真情對話

朋友送來兩張基金投資講座入場券, 說請來了香港某證券界人士主講, 剖析2005年各投資市場前景及相應策略. 投資乃世上最易學難精既一門學問, 無人可以教你咁做咁做就可以將一蚊變一百, 一百變一萬. 大部分成功既投資家, 後生個陣通常都經歷過"輸到眼光, 被迫斬倉"既日子, 然後痛定思痛, 吸收經驗, 痛改前非, 從頭黎過最後先可以從股海中上岸, 找到真正既財務自由, 做自己想做既野 (通常佢地都係選擇做番投資既野, 因為佢地真係鐘意呢樣野先至咁成功). 相反, 兩個鐘頭既投資講座就可以指點迷津幫你搵到今年既投資熱點? 打死都唔信, 仲免費添??? 得得呀? 免費午餐係真係有既, 不過絶大部分時間都唔輪到你同我食咁解 jer.

財經演員有問必答? 黃大仙咩?

發達容易, 搵食艱難?

好多人話, 97 之前香港地遍地黄金, 你肯要就得啦. 97 之後好似成個世界變左, 打工既隨時接大信封, 做生意既要同一千幾百個同行爭半日之長短, 實行你 sale 我又 sale, 唔好彩既樓市高峰期買落層以為係自己既安樂窩, 點知供左七年 (如果仲未被人炒魷) 先至叫做有 d 曙光變番正資產. 其實人一生做咁鬼多個決定, 裏面只要做o岩幾個重要決定就可以改寫一生. 諗下啦, 83年後開始供樓買樓, 期間乜都唔做, 一直到97年回歸前放哂 d 單位, 咁就一鋪攪掂. 相反, 諗住踏踏實實搵兩餐日日朝七晚十一 (好似老董依家咁) 做到死咁滯, 今日已是 555 人士 (50幾歲, 5萬幾人工, 方5學歷), 但一覺醒來發現自己個位比收萬二蚊人工果個大學畢業生搶走左, 你話幾悲? 方向幾時都重要過力水, 入錯線既, 比架 Porsche 你踩盡油都無用, 一樣去唔到目的地. 發達容易定搵食艱難呢?