決勝日後記(一)

重倉股香港建設(190)已於早前公布2007年中期業績, 正如盈喜所講既一樣, 中期profit比去年同期上升143%, 由HKD2.48億升至HKD6.03億, EPS則由HKD0.105上升至HKD0.139, 受年中發新股所攤薄. 派息方面令人滿意, 每股派HKD8仙中期息(versus 2006年既 HKD4.5仙), 其中4仙會以股代息(換股價格待定), 另外4仙可以收cash或股, 再加上2仙特別息(celebrate 上市20週年), 總共派息10仙!!! 簡單以final dividend一樣派8仙為假設 (2006年final派6仙, 比中期多33%), 全年總共派息預料可達18仙, 折合息率為 6.67%p.a. (以今日收市價2.70計), 作為股東既我尚算滿意, 至於會收cash 4仙定要埋股, 就仲考慮緊, 傾向要股.....

至於早前公布話cerberus入股果單野要10月23日SGM通過埋先得, 問題應該不大, 到時就會通過埋10股送一份認股證果個proposal, 認講價係2.05, 同cerberus + penta 果個入貨價一樣, 簡單內在值都每份認股證值HKD0.65, 都幾和味, 最buy呢間公司既野就係佢地既管理層, 今次cerberus+penta入股單野, 遇著次按風暴, 比佢地迫減價, 由2.27減到2.05 --- 重點係, 大股東/ceo果個注資入貨價則保持不變, 仍舊係2.27 --- 好少見有大股東咁做, 顯示出大股東對佢呢間公司既信心有幾大, 無錯, 呢兩間private equity 同基金入股加強實力對公司係好, 但係自己仍然肯以原價2.27注資認講新股, 對小股東黎講, 我覺得係一種有承擔既表現, 至少到目前為止大股東唔係想"骨水"走人果種.

黎緊派中期息, 小股東可以係4仙cash,4仙以股代息, 呢個又係一個睇下大股東對自己公司有幾多信心既機會 --- 以往派息時, 如果有可以以股代息既option既話, 我印象中, 大股東都以股代息, 一蚊cash 都無自己收, 睇下今次會唔會又係咁, 係既話又係大股東投下信心一票既表現! 小股東要睇實啦...........