再見滙豐

曾幾何時, 滙控5號仔係香港股市裏面既龍頭大阿哥, 成交隱佔三甲, 恒指有無得升都要睇佢頭, 佢亦係期指大戶操控指數上落既主要工具, 總之, 某程度上, 滙控就好似係恒指既 proxy, 要睇港股就一定要睇滙控咁. 但係最近既情況係: 滙控以成交金額黎講, 入三甲已經再唔係必然, 有時甚至乎連頭十都無佢份, 早幾日甚至跌到落第14!!!!

今日滙控就有d昔日既風采, 成交金額排第2! 僅次於"暴升"13%既中石油(857) - 成交155億, 滙控就以76億排第2, 雖然有少少distant second feel, 但係都叫做有成交, 有升幅(1.93%, hkd2.90), 為"港企"挽回少少面子, 下一間港企已經排到第13既港交所..... 港企呢個名, 好可能係繼"港燦"之後又一個"此一時,彼一時"既社會現象.

中石油已經上到hkd18.78 --- 比起股神既沽貨價hkd11-12, 已經越走越遠. 或者咁講, 股神之所以係股神並唔係因為佢可以係absolute low買貨同係absolute high沽貨, 而係佢可以係2002-2007呢幾年裏面有超乎常人既.極高既.EQ黎"坐"足600-700%回報.