決勝日

近大半年所睇既財經書, 大大話話都有四五本, 可惜從中得著唔多, 可能係因為投資致富既秘訣跟本呢d作者就唔知, 又可能係因為投資要成功, 講到尾都係要戰勝自己既心魔, 唔係話學一兩招花拳繡腿(尤其係大部份初學者對技術分析既盲目)就學以去馬, 控制得到自己既EQ先至係最重要, 唔好係最唔應該買既時候入貨, 最唔應該出貨既時候出貨........... 記住2007年8月17日一役!!!!!

講就容易, 做就難過乜. 最近睇既呢本書就係呢方面比到少少幫助自己, 作者強調買股票既最終最終勝負係決定係管理層既quality, 話之你個市幾好, 如果間公司既管理層或大股東係"永義"一族, 咁做小股東既就喊都無謂, 唯有用腳投票, 狠沽之. 作者既 system叫 BASM (business plan, assumptions, strategy, management), 主要就係話management既vision, 個plan 既可行性, 高級管理層既執行力等等先至係一隻股票會唔會係林森池口中既"千里馬"...............

最近大半年一直重倉持有既一間公司, 雖然行業當中佢並唔算係一哥, 連九哥都可能唔係, 但係佢既CEO同大股東既市場舉動就令我對佢加左唔少分, 現價比成本高17%到, 而且聽日就公布中期業績啦, 係時候睇下佢地既良好品格可唔可以為股東帶來實質回報, 作為小小小股東既我, 就要睇聽日"決勝日"先再決定下一步......

久別重逢

雖然成日都有keep住睇人地既blog, 但係都已經足足一年無係自己個地盤噴口水, 最近受老婆大人對寫blog既熱情感染, 又心思思想寫番d野, 好似somehow會支持到老婆甘 :) 講到寫野, 我一定唔夠老婆大人甘有熱情同文筆好架啦, 但係自己耐唔耐都有d無關痛癢既諗頭(可能同頭大有關)想講出黎, 希望唔好有日有人留言問我做乜諗野啦..........