最無聲無色既輸錢方法

人民幣今日跟隨美元弱勢, 大幅升值287點子, 兌美金成7.1133左右, 即係1人仔兌港紙1.0965 (@7.8 HKD/USD), 唔經唔覺差唔多要補10蚊先換到100蚊人仔, 近日身邊樣樣都加價, 尤其係食品方面, 因為全部都好依賴國家出口比我地, 呢d係大勢所趨, 唔係胡鬍仔派下糖就可以解決既問題.

現在如果話有一筆錢係到, 淨係放係銀行收息, 可以話係死路一條, 近乎無息不特止, 仲要每日不知不覺間比通脹蠶食, 物價上升已係事實, 隨左話因為人仔升緊之外, 最大問題係耕地下降, 人口上升, 以前就話國家想要外滙, 賣食物比我地, 一家便宜兩家著, 現在同胞富起來, 佢地都好想食好野, 有錢都唔係好想賣比你, 況且, 老子錢多的是.

就係咁樣, 你以為最安全既銀行存錢方法就變成左無聲無色既輸錢不二法門. 悲.

190港建-又停牌

2/27 香港建設(190)又停牌, 暫時未有消息公布, 估計又係同收購有關, 可能係1.上海金港項目增持(講左好耐), 2. 投地成功? 但係投地成功應該唔使停牌, 估計係發新股去收購大股東資產.

上年購到今年既分拆風力發電項目, 到目前黎講未有消息, 唔知今次停牌又會有乜野財技出現?

追求

人, 其實係股票市場裏面好多時所追求既, 唔係我地自以為是既"利潤", 更多時候, without you knowing / realizing it, 我地係追求緊一種証明自己眼光係對既 -- 而且與別不同地對 -- 感覺, 而股票市場裏面, 正正係提供左一個平台, 無盡既對手.

個個人都知道一步步致富既道理, 長期月供/持有優質公司大藍籌國企係致勝之道, 但係偏偏我地就係想証明自己唔洗行呢條"平凡"路都可以致富, 日日出出入入二三線, warrants, futures.

你既然係追求緊呢種感覺而唔係利潤既話, 比番少少費用都好應該者下話?

2008 Watchlist

做個記錄等自己時時留意下:

真明麗(1868) - 環保照明, 要睇世界大趨勢成唔成功, 但係主席家族有剛上市就沽貨既不良記錄
勤加緣(2366) - 正在建立國內廣告王國, 大股東持股偏低, 有中指黃係到, 但前景ok, 要留意現金流
網龍(8288) - 入門門檻低, mkt share唔夠高, 但係業務stickiness夠, 好睇設計團隊既功力
蒙牛(2366) - 內地話唔准加價, 最近發現本地超市既牛奶標價上調40%, 要等cpi回落減輕調控壓力

人民幣升上1對1.092港元, 同樣rmb10既embedded value, 以前值hkd10, 現在差唔多hkd11, 以三倍p/ev計, 合理價就由hkd30上升到hkd33.

港建的最終結局

好多網友都曾經討論過, 究竟190係米所謂既"莊家股" --- 回頭看, 小弟之blog亦都曾經有朋友仔留過言, 點出港建既可疑之處(e.g. alvin 兄), 曾經自己分析過, 黃剛果一輪集資批股再引資既 exercise, 當時自己既結論係, 黃主席係一個有承擔既人, cerberus/penta 要求減價入股@2.05, 自己就照原價入@2.273, 以往派息既時候, 主席曾高調講過自己會全部以股代息, 以示對公司既信心, 凡此種種, 都令小弟增加左對佢地管理層既信心, 再黎送warrant比股東, 可以有同penta/cerberus同樣以2.05既機會入貨(although it's 2 years from now, who knows?).

現在回看, 又多d教訓, 睇番當日既集資部署 - 首先宣布引入cerberus/penta 以2.273入股, 之後股價受好消息帶動, 炒上3個幾, 跟住8月中大奇跡日回到1.5, 後來宣布原來cerberus/penta 以市況差為由要求減價至2.05, 大股東為左証明佢對公司既信心, 以原價2.273入股, 增加市場對190既信心. 之後, 由於要維持25% public float, 大股東被迫要配股, 當時 cerberus/penta proposal 未經股東會批, 黃主席先後以2.80左右既價錢配售比街外人, 以回復一旦cerberus proposal 通過左, 就唔夠 public float 既問題.

結果, 黃主席成功以2.80左右先配售, 再以2.273 既信心價入番股, 佢既信心可能就係因為有 HKD0.527 做墊底?! cerberus/penta入股之後, 股價返魂乏術, 展轉間, 又回到2.05, 再破埋2.00直試1.50水平, 在這段日子中, 有幾點可以提出提醒自己以後要注意:

#1 - c/p入股後, 再無任何新 project 推出 (大陸宏調? market timing not good? or 目的已達?)

#2 - 早前公開表明同母公司已達成增持上海金港項目, 只待測量師替該地核價 (已經幾個月, 全無聲氣, 是否現在地皮受宏調影響, 估價不高, 不打算注入? 或者母公司無理由再收190股票作代價? 如是後者, 那今天190的表現便............

#3 - 係股價重係2.00以上爭扎時, 有管理層行使 option, 在市場上套現 (although it's only a minor portion of that director's options)

#4 - 王軍離去既消息對小戶來說係突然, 但係股價早前既表現原來係答案已寫在牆上, 仲有 - 點解咁岩就係2月6日公布, 年三十晚下午無市先至公布? 唔通老人家真係睇農曆做人?

#5 - 公司係1.60多次回購以示支持, 到現在都無高層出來講講公司發展大計, 同2007手7月公司宣佈c/p 入股時, 連王軍都出埋黎有頗大出入

#6 - 王軍係當日記者會上講既野, 現在點? (refer to previous post)

最後港建會發展成點? 我都唔知, 可能現在眼前既一切又係一個局, 震哂散戶出黎又上過都唔定, 但係呢個已經唔重要, 野已經學左, 錢亦都比埋, 我知既係, 我要向前看, 經一事長一智, 對以後揀股有好大幫助.

(本網頁屬個人網誌，並不會給予任何投資建議。本網頁的一切言論並不構成要約、招攬、邀請、誘使、建議或推薦。本人亦無法保證網站內容的真確性及原整性。請運用個人獨立思考能力自行求証分析，一切賺蝕得失，概與本人無涉)

財技

教訓1: 財技玩得太多既公司, 好有可能有"景滾", 集資發新股, 派紅股, 主席批股再增持, 自問唔夠功力分析當中既千絲萬縷

教訓2: 唔洗止蝕呢家野, 唔係個個都用得, 如果你有warren buffett 或者林森池既功力除外, 如果唔係, 你以為係市場錯價, 其實係你自己估錯價

教訓3: 無100%執行自己原先定下既 risk reduction move, 只係做左1/3都唔夠, 否則可以減低損失

教訓4: 應該多d去剪頭髮, 唔好慳個一百幾十, 洗頭時多d同人傾計

諗到再寫.