見頂前先兆回顧

諗番10月時份見頂時, 其實有好多signal係身邊, 以下記低黎提醒自己:

1. 財經雜誌 iMoney 推出
2. 洗頭仔與洗頭妹的一番說話
3. 每本大便雜誌中都有"OL 理財專欄"
4. 大學股神不停出現
5. 福娃大舉以5000大洋入市扮專家 ---> 最頂癮係, 個市開始回既時候, 佢仲週圍笑人係米你入左市個市米跌羅?!

股市雜記 11.03.2008

1. 恒指初步顯現抗跌力, 其實唔止hk, 亞太區普遍無跟美股大回, 連日本仔都有升幅
2. 美元繼續下跌, 我消費你付費的模樣
3. hsbc 一支獨秀, 正當美資大行每況愈下時, hsbc股價在一遍唱淡聲中穩步遠離低位
4. 交行同hsbc 愈黎愈多眉來眼去, hsbc增持至40%只係時間既問題, 月供交通仍然係好好既長線strategy
5. 人仔兑美金係7.10停左落黎
6. 中人壽28元樓下有好強支持, 最近三次試28元樓下既成交一次比一次少, 沽壓有減少既跡象
Jan22 30.40/27.25-27.60 vol 374m
Jan31 29.10/27.10-28.00 vol 183m
Mar10 28.50/27.25-28.40 vol 127m
Mar11 28.55/27.40-28.50 vol 117m
每次既收市價都高過上一次........
7. 港建表現令人失望, 反而987就有升幅, 比起0.69既港建入股價, 987現價2.11已升205%...... 背後會唔會又有d plan好左既財技party表現比大家睇呢????? wait and see

追求

人, 其實係股票市場裏面好多時所追求既, 唔係我地自以為是既"利潤", 更多時候, without you knowing / realizing it, 我地係追求緊一種証明自己眼光係對既 -- 而且與別不同地對 -- 感覺, 而股票市場裏面, 正正係提供左一個平台, 無盡既對手.

個個人都知道一步步致富既道理, 長期月供/持有優質公司大藍籌國企係致勝之道, 但係偏偏我地就係想証明自己唔洗行呢條"平凡"路都可以致富, 日日出出入入二三線, warrants, futures.

你既然係追求緊呢種感覺而唔係利潤既話, 比番少少費用都好應該者下話?

內房股成重災區

財華社香港新聞中心。央行確定第二套房貸款以家庭為單位，市場憂慮宏調措施續出，內房股成重災區。現表列最新股價表現如下。

1224-HK 中渝置地 11.460 -1.440 -11.16%
0817-HK 方興地產 4.360 -0.530 -10.84%
2777-HK 富力地產 27.050 -2.550 -8.61%
3377-HK 遠洋地產 9.990 -0.910 -8.35%
1109-HK 華潤置地 16.180 -1.420 -8.07%
0813-HK 世茂房地產 18.820 -1.630 -7.97%
0688-HK 中國海外發展 15.100 -1.200 -7.36%
1813-HK 合景泰富 11.240 -0.860 -7.11%
3383-HK 雅居樂地產 14.200 -0.860 -5.71%
2007-HK 碧桂園 9.270 -0.380 -3.94%
0410-HK SOHO中國 7.910 -0.270 -3.30%

讀報隨記

根據曹sir今天在專欄中提到:

1. Citigroup 升左美國前財長.goldman前老總 --- 魯賓黎做ceo, 如相信此君能力同過去既表現, Citigroup 應該到左可以買入既時候

2. 互聯網已進入另一個新階段 - Wireless communications, WiFi, 到處都可以上網, 手機, 手提電腦, pda 等等, 可以帶起另一個投資市場既科技熱 -- 比2000年前的更實在. --- 可考慮3G equipment manufacturer

3. 中共十七大 - 間接承認左資本主義, 要增加人民既資產性收入, 即係 capital income, rather than salary income. 對中國 capital market 長遠發展定下"發展思想"

再見滙豐

曾幾何時, 滙控5號仔係香港股市裏面既龍頭大阿哥, 成交隱佔三甲, 恒指有無得升都要睇佢頭, 佢亦係期指大戶操控指數上落既主要工具, 總之, 某程度上, 滙控就好似係恒指既 proxy, 要睇港股就一定要睇滙控咁. 但係最近既情況係: 滙控以成交金額黎講, 入三甲已經再唔係必然, 有時甚至乎連頭十都無佢份, 早幾日甚至跌到落第14!!!!

今日滙控就有d昔日既風采, 成交金額排第2! 僅次於"暴升"13%既中石油(857) - 成交155億, 滙控就以76億排第2, 雖然有少少distant second feel, 但係都叫做有成交, 有升幅(1.93%, hkd2.90), 為"港企"挽回少少面子, 下一間港企已經排到第13既港交所..... 港企呢個名, 好可能係繼"港燦"之後又一個"此一時,彼一時"既社會現象.

中石油已經上到hkd18.78 --- 比起股神既沽貨價hkd11-12, 已經越走越遠. 或者咁講, 股神之所以係股神並唔係因為佢可以係absolute low買貨同係absolute high沽貨, 而係佢可以係2002-2007呢幾年裏面有超乎常人既.極高既.EQ黎"坐"足600-700%回報.