歷史在不斷重複

最近呢排睇曹sir個專欄, 發覺佢多左講國家既長長長遠發展願景, 係佢既分析中好多時都提到中國現在發生緊既野只不過係美國係60-70, 日本70-80, 香港80-90時所經歷既野一樣, 好多時都imply 比讀者知, 呢潮國內資產價格回落真係要"及"實, 搵個長線位上車, 要睇既野係2020年附近既事情, 我諗, 其實我地呢代人, 最主要既機會就係呢個中國夢, 就等如我地阿爸阿媽以前所遇到既事一樣, 只不過係scale上面有少少唔同, 今次呢個大d, 複雜d.......... 世上每個大浪中都孕育出唔少英雄豪傑, 亦都有無數人變成枯骨, 要睇閣下身手同埋心智有幾隱定.

中國2月份CPI升8.7％（1月份升7.1％），創近十二年內高點，代表過去小幅加息力度不能抑制當前通脹壓力；上述升幅係1996年5月份上升8.9％以來最高。今年2月份食品價格升11％；燃料、動力價升9.7％，原油出廠價升37.5％，令汽油、柴油及煤油出廠價分別升8.7％、9.8％及11.4％；原煤出廠價升19.4％。大型鋼材升18.9％、中型鋼材升29.6％、小型鋼材升27.8％、線材升25.6％、中厚鋼材升18.5％。PPI亦連續第七個月上升，而且升幅擴大，代表今後更長一段日子通脹壓力仍居高不下；3月份數字應該較2月仲要高。上周五越南宣布放寬外管制，讓貨幣加快升值，以減輕境內通脹壓力。人民幣今年只升值3％（兌歐羅及日圓更貶值），面對2月份通脹率咁高，壓力漸加重（今年2月越南通脹率達15.7％，係十二年內最高）。內地會否同樣讓人民幣加快升值？
　　今天中國再唔係一個貧窮國，去年零售業數字係1萬億美元。據《福布斯》數字，2007年擁有10億美元身家中國富豪人數，由2006年只有十四個上升到2007年一百零六個。十五到二十年後中國股市總值不但超過日本，甚至有機會超過美國！中國一如八十年代香港經濟，正由出口、製造業帶動轉為內部消費帶動（香港轉型成功後，令恒生指數升穿1800點；去年10月最高見32000點）。十五到二十年後，中國股市總值係2007年10月十倍亦唔奇；反之，美股由現階段睇，未來何去何從？
　　今天中國，有如1950年代美國、1970年代日本或1980年代香港。中國去年人均收入已達2500美元一年，正向25000美元人均收入邁進。中國零售業以年率15％至20％速度上升，正步入高消費年代；估計2020年前中國私人消費以年率15％到20％速度上升。今天中國人均消費只及OECD國家5％，投資相等於OECD國家17％，出口相等於OECD國家31％。去年中國用去全球36％鋼鐵、50％水泥及9.5％石油產量。鋼鐵及水泥需求咁大，理由係中國仍處於基建項目投資高峰期，目的係增加基建設施去支持出口業務。石油消耗僅佔全球9％，比重咁少理由，係中國境內私人擁有汽車仍然唔多。
　　上一次中國零售高速上升期係1994年，其後回落到1998年；到2003年升幅只有5％到10％；2004年回升，近年再進入15％到20％較高增長期，但消費仍較集中汽車及房屋項目上。
　　中國人收入正由月入1500至2000元人民幣所謂低收入階層，進入4000至6000元人民幣階層，即由基本生活所需進入略為奢侈消費期，然後一如其他OECD國家，進入月入1萬元時期而引發大量消費。
　　上述情況五十年代至七十年代美國出現；六十年代至八十年代日本出現；七十年代至九十年代香港出現，未來亦中國出現。受惠項目包括平面電視、流動電話、數碼相機、寬頻服務、手提電腦、MP3、立體聲音響、DVD機等，其次係餐飲行業及旅遊業、酒店業、運動產品等。最大受惠行業自然係內房股。2005年一般家庭購買物業平均價507,000元、2006年549,000元、2007年657,000元（唔同地區差異好大），一如八十年代香港房地產，正步入大幅上升期，不過當然唔係直線上升。

曹sir論國內房地產遠景

係城市化既過程中, 樓價少不免會出現"超前"現象, 就好似德國股神所講既"狗與主人"既關係, 當樓價升幅超過人工升幅/經濟增長太多, 市場便出現調整, 待經濟發展 pick up, 到時人們對換房購房既購買力又會得到補充, 樓市又回復生機.

大前提當然係 ---- 你要make sure 呢個 "狗主人"係向前行緊既.

中國人口城市化速度達年率2.5％，估計可一直維持到2030年。人類居住城市同鄉村已超過五千年，兩者關係一向係城市人口少、鄉村人口多。直到十九世紀工業革命發生後，兩者關係才出現重大改變。城市進入工業化需要大量人手，開始吸收來自鄉村過剩生產力，協助城市工業迅速發展。城市工業產品迅速取代鄉村手工藝製品業，鄉村改為只向城市提供大量資源去支持工業上需要，令交通系統發展出來，然後係通訊系統、鐵路系統、港口設施等等。地區貿易漸漸發展成為國與國之間貿易，然後係全球貿易，令更有效交通系統、通訊系統出現，又再加速全球人口流向城市。八十年代全球進入細分工時代，OECD國家大量工序外判，國際貿易增長率更驚人，令新興工業國亦迅速城市化。　　

1900年只有歐洲進行工業化，當年全球只有13％人口住城市。1950年美國、日本等國家工業化，全球29％人口住城市；到2005年全球已有49％人口住城市。聯合國估計，到2030年，全球將有60％人口住城市。2005年歐洲72％人口住城市、北美洲81％、拉丁美洲77％、亞洲40％、非洲38％。未來日子，城市化最快國家地區應包括中國、印度及非洲【圖】。　　

城市化第一期。大量人口湧入城市從事工業，例如八十年代、九十年代珠三角一帶；大量工廠大廈、工人宿舍興建，以容納來自鄉村人口。第二期發展。城市工人富起來，開始消費甚至購買當地住宅留下來，令商場及住宅需求急升，例如九十年代至今珠三角同長三角情況。第三期樓價上升產生財富效應，令大城市工業外移，服務業抬頭。大城市因地價昂貴，導致工業必須外移，例如八十年代至1997年香港。

到第三階段，鄉村人口再唔容易湧入城市（因非技術工人唔再吃香），城市人口增長率迅速下降，形成樓價進入調整期。只有經濟向好時，樓價才升值，經濟轉差樓價下跌，例如1990年日本、1997年8月後香港。1997年後內地人仍大量湧入香港，令香港出現新貧窮階級，因為冇技術工人已非香港所需，佢地繼續來港，便成為香港下層社會。

港樓價回升有賴供應減少　　

日本1950至70年迅速工業化，令城市人口上升一倍，但日本城市樓價升幅有限，因工人只住工人宿舍，放假後立即回農村。1970至90年日本由輕工業轉向重工業、電腦業及高科技行業，高技術工人可以住城市，唔再回鄉村了，形成日本城市樓價呢二十年狂升。1990年日本樓市泡沫爆破便一直下沉，至2003年才略為復甦，因人口唔再移入大城市。日本過去例子東南亞國家不斷重複，未來亦中國同印度重演。　　

香港情況比較特殊，因為冇農村，1960年已有85％人口住城市，1970年起約99.5％人口住城市，即1950至70年本港樓價上升係建基於鄉村人口湧入城市（來自中國內地），1970年起樓價上升係基於港人收入上升對住屋環境要求高，出現高樓價現象。中國物業市場發展應類似日本模式，而非香港模式。城市化將帶動水泥、鋼鐵及能源需求（因70％能源係由建築業及建築物消耗掉）。

另一有趣情況係，香港1985年4月1日起受《中英聯合聲明》限制，港府每年只可賣地五十公頃；但香港最多住宅單位落成日子卻係1989至98年，相信係因為香港經濟轉型成功，令港人買樓能力大升。1997年7月1日起政府賣地限制被取消，白眉董提出八萬五房屋政策，原先計劃係大建住屋，但香港住房單位落成量卻自2000年起迅速減少。換言之，1985至97年樓價上升並非因為供應減少造成，而係由需求急升推動；反之，2003年下半年至今樓價回升，卻真係有賴供應減少支。

內地樓價只係中期調整　　

東京住宅1990年前每年住宅單位供應並未因樓價大升而增加，1990年後供應亦未因樓價大跌而減少，每年供應量十分穩定，未因樓價變化幅度大而改變。反觀香港情況，1997年8月後樓價下降，令興建單位減少；如1997年起本港土地供應冇減少話，相信2003年起香港樓價升幅亦極之有限。唔信？請參考東京情況。鬍鬚曾宣布今年增加土地供應，係咪代表香港樓價2008年見頂？　　

中國改革開放政策由1978年開始，但工業化進程則由1980年才開始。如參考日本例子，中國工人由1980至2000年以住宿舍為主，賺蚊年便返鄉下。2000年起中國走向重工業、電腦業及高科技行業，技術工人開始大量進駐城市，唔再回農村矣（因技術工人或高級工程師收入大升，令商場及住宅需求急增）。服務業在珠三角及長三角一帶興起，低技術工業開始由珠三角及長三角地區外移，理由係呢D地區地價及生產成本漸漸昂貴，理論上呢個趨勢可一直維持到2020年（二線城市樓價上升，便可支持到2030年），整個階段才全部完成。此所以中央政府近年搞來搞去，但珠三角及長三角一帶樓價調整幅度仍極之有限。

我老曹相信，深圳、廣州、上海、天津等地區樓價高峰期2020年而唔係依家，家只係一次中期調整，因此一旦調整完成（估計今年第三季），又係買內房股時機。　　

再研究東京現象。1950至70年日本迅業工業化，1970至90年走向重工業、電腦業等高科技發展，但東京固定人口由1960至90年並冇增加，一直維持在41％至42％（即每天有60％人口來自東京以外郊區到東京上班）。高樓價本身原來可阻止人口入住東京！另一更有趣現象漢城。1970年41％人口住漢城，1990年只有33％人口住在漢城，2005年更降至25％。依家有75％人口到漢城上班，放工後離開漢城，返回近郊居住。1996年100％香港人口住香港，2006年又點？政府冇公布呢方面數字。隨1997年7月香港主權回歸中國及港深兩地交通系統接駁改善──東京現象（因樓價貴而唔住東京）或漢城現象（因交通發達而唔住漢城），會否一早香港出現（即港人已非100％住香港）？上述趨勢對分析未來本港樓價有很大影響。上述情況亦可以國內大城市出現，如樓價太貴，人們寧可住近郊，每天回大城市返工；又或交通改善，人們亦寧選郊區而唔住城市。

曹sir論環保照明

港股中, 目前諗到既同環保照明有直接關係既只有真明麗(1868), 呢間公司係06年12月以6.90發2億股上市, 之後07年4月Transpac以13元配股62球貨套現8.06億, 再係07年6月又有股東以15.6元配股20球貨套現3.12億, 最高升上07年七月既18.5元, 現在跌回6.18元, 重挫66.6%, 最低08年1月時跌至4.20元, 77.3%跌幅, 勁.

market cap 大約47億, 總發行股數7.61億股, 大股東及公司高管共持有4.61億股(60.6%), 袋住就hold住38球貨(5%)

主席及主要股東關連人仕time 集資時間time得好好, 不過, 就係擔心佢地財技太好, 反而正業荒廢左, 要睇睇年報再分析.

高科技股有苗頭

另發布「高效照明產品推廣財政補貼資金管理暫行辦法」（2007年1027號文件），政府大力度推廣高效照明產品，例如普通照明用鎮流熒光燈、三基色雙端直管熒光燈（T8、T5型）、金屬鹵化物燈及高壓鈉燈、半導體（LED）照明產品。每隻高效照明產品由中央提供貨價30％補貼，如果係城鄉居民，每隻補貼係貨價50％；估計可省電二百九十億千瓦時，減少二氧化碳排放二千九百萬噸。節能照明概念股相信可大幅反彈。

LED（半導體照明）耗電係普通白熾燈十分一，壽命長達一百倍，係冷光源、工作電壓低、體積小，無紅外線及紫外線污染。2006年LED全球市場超過 70億美元，估計五到十年後，可達500億至1000億美元。日本、美國、歐盟、南韓LED冷光技術已啟動，領先技術公司有飛利浦、通用電氣、歐司朗等，中國粛「十一．五」計劃下亦啟動。中國工程院院士陳良惠話，2010年中國照明用電將達三千二百二十五億千瓦，如三分一用LED，可節省一千億千瓦時，即超過三峽工程一年發電量八百四十七億千瓦時。三峽工程靜態投資1000億元人民幣，動態投資2000億元人民幣，建設期十七至二十年；反而發展LED費用只係100億元。

1960年第一隻Ga Asp（鎵砷磷）紅色發光二極體誕生，發光率0.1流明╱瓦，最初用於電子表上。七十年代已提高到1流明╱瓦，顏色包括紅、黃、綠。八十年代提升到10流明╱瓦。九十年代藍光GaInN材料成功開發。2000年紅、橙區光效已達100流明╱瓦，綠色達50流明╱瓦，已用於汽車剎車燈、交通訊號燈上。中國「十一．五」發展目標係2010年發展出白光LED，光效率達100至130流明╱瓦，代替50％進口高亮晶片。對中國半導體業而言既係機遇又係挑戰。家纒海外歸來留學生粛珠三角、長三角、河北、山東、大連、廈門等地，包括中科院、工程院內鮋院士已加入研究，希望鰠2010年前實現半導體照明產業自主，成為第一項由中國人擁有知識產權鮋半導體產品，然後交畀工廠大量生產。2008年高科技股應有一定吸引力，因國家政策向高科技行業傾斜。

港建收購瀋陽地皮

根據鐘擺理論啟示──投資者必由極度恐慌到貪得無厭。不過，由一端擺向另一端既過程中出現唔少震動（股市從來都唔係直線進行）。分析員既責任就係指出大方向；至於果D輕微震動，只有極之資深既trader才捕捉得到，大部分散戶都會miss咗。

福無雙至，禍不單行──有反彈代表金融股未見底，真正見底既日子連死貓反彈都冇。各位不妨參考廣船、第一拖拉機、南方航空、有利建築等股價係見底之時表現，有冇出現類似本周美國大銀行式既反彈？

咁即係代表, 一隻股份到左見底時, 係應該所有人都已經絕望, 連死貓彈都唔識, 有彈即係仲有人未死心..... v型底既反彈真係太難捉, 都係平底鞋易著.

11/29 港建公布左佢成功bid到瀋陽一塊市中心地皮, 成交價170球人仔, 可建樓面92000平方米(未計地庫) --- 話時話, 港建起親d project好多都鐘意加地庫, 上海金港都有後加係final floor plan --- 為起每方米樓面地價1848人仔, 即係RMB169/sq feet!!!! 百七蚊一尺乍. 塊地係地鐵站上面, 而地鐵會係2009通車(plan), 呢個發展模式就似香港地鐵咁, 自己d車去到邊處就係果處起樓, 交通方便左, 樓價又向好. 不過今次港建呢塊地係商用, 無住宅, 受宏調影响相對低.

今日又有機會一睹大戶身影, 港建被高盛"狂沽" --- 3個經紀牌如下: 周生生,高盛,高盛, 共沽"萬九幾"股, 喊價2.37 --- 想點?

心魔

當人處於恐懼及憤怒之時，往往可產生杯弓蛇影現象，此乃人的獸性。唯一避免方法就係當開始感到恐懼及憤怒之時，最好停止「行動」，設法令自己重新冷靜下來，令自己再次由理智控制情緒為止，唔好畀恐懼及憤怒支配自己行為，因為此乃獸性。

佛家話一念成佛，企業成功與失敗，往往亦在領導層一念之差。

萬威科技（167）公布今年4月至9月企業轉虧為盈，方法係放棄低盈利產品加入高盈利產品，扭轉過去兩年虧損狀況，係咪另一隻為投資者日後帶來驚喜股份?

印象中, 萬威係間好"踏實"既low-tech工業股, 曹sir提到, 不防作初步視察.

邊個嬴到自己心魔, 邊個就係最後嬴家.

讀報隨記

根據曹sir今天在專欄中提到:

1. Citigroup 升左美國前財長.goldman前老總 --- 魯賓黎做ceo, 如相信此君能力同過去既表現, Citigroup 應該到左可以買入既時候

2. 互聯網已進入另一個新階段 - Wireless communications, WiFi, 到處都可以上網, 手機, 手提電腦, pda 等等, 可以帶起另一個投資市場既科技熱 -- 比2000年前的更實在. --- 可考慮3G equipment manufacturer

3. 中共十七大 - 間接承認左資本主義, 要增加人民既資產性收入, 即係 capital income, rather than salary income. 對中國 capital market 長遠發展定下"發展思想"

耐性

曾經因無耐性而後悔非常: 2628, 904, 1055, 406 & ..................

因為有d耐性而開開心心: 1198, 1063, 2628, 154 & hopefully 190

耐性 --- 究竟要幾多先夠? 有d似鹽之於煮餸咁, 無佢毫無味道, 太多又咸到嘔; 無耐性既投資, 睇岩都無用, 太多耐性既投資又可能會係坐得太定, 要自己記住1198同1063既例子! 曹sir公開講過, 唔好下下學林森池咁, 話好股唔使止蝕, 做之前問下自己 --- 有無林sir 既揀股功力同超高eq, 對一般凡夫俗子如我, 還是擁抱曹sir名句:止蝕唔止賺.

今日香港建設又係需要耐性既一日, 全日升一個仙, 收2.72, 高低位2.77/2.67, 成交31.25mil 股:

全日主動買盤:17.08m
全日主動沽盤:13.82m
VWAP: 2.7177

不過, 以300,000股或以上為一口既成交裏面:

主動買盤: 6.26m
主動沽盤:2.84m
VWAP: 2.7232

大手成交裏面, 主動買盤比主動沽盤多一倍有多, 成交價仲比全日VWAP高. 睇黎我需要多一d耐性.

狠.忍.準.

可以改變你一生命運係二線股 (明日既藍籌股), 唔係今天既藍籌股, 策略係 “狠.忍.準”, 一旦睇得準, 便要忍, 一如鯊魚 (死咬住唔放) 般狠.

有一天中國CPI增長率回落至利率水平以下, 存款利率再次高於實質利率, 形成資金由物業市場同股票市場重新回流銀行存款, 就係A股泡沬爆破既時刻.

發達容易, 搵食艱難?

好多人話, 97 之前香港地遍地黄金, 你肯要就得啦. 97 之後好似成個世界變左, 打工既隨時接大信封, 做生意既要同一千幾百個同行爭半日之長短, 實行你 sale 我又 sale, 唔好彩既樓市高峰期買落層以為係自己既安樂窩, 點知供左七年 (如果仲未被人炒魷) 先至叫做有 d 曙光變番正資產. 其實人一生做咁鬼多個決定, 裏面只要做o岩幾個重要決定就可以改寫一生. 諗下啦, 83年後開始供樓買樓, 期間乜都唔做, 一直到97年回歸前放哂 d 單位, 咁就一鋪攪掂. 相反, 諗住踏踏實實搵兩餐日日朝七晚十一 (好似老董依家咁) 做到死咁滯, 今日已是 555 人士 (50幾歲, 5萬幾人工, 方5學歷), 但一覺醒來發現自己個位比收萬二蚊人工果個大學畢業生搶走左, 你話幾悲? 方向幾時都重要過力水, 入錯線既, 比架 Porsche 你踩盡油都無用, 一樣去唔到目的地. 發達容易定搵食艱難呢?